SFK 2000 Sarajevo vóru ov sterkar fyri KÍ-kvinnurnar í Champions League undankappingardystinum, ið var spældur í Sarajevo í Bosnia Hersogovina.
Sarajevo sum hevði bóltin 79 prosent av tíðini vann dystin 3-0.
Hagtølini: royndir móti málinum vístu 24-0 til Sarajevo. Tó hevði Sarajevo bert tríggjar royndir innanfyri málrammurnar, men tær sótu allar í netinum.
Sarajevo legði seg á odda tá ein hálvur tími var leiktur av dystinum. Í 71. og 80. minutti øktu vertirnir til 2-0 og 3-0.
Sunnudagin spælir KÍ dyst um triðja plássið í innleiðandi bólkinum móti taparanum av dystinum Benfica-Nordsjælland.
