Í morgin fer danski forsætisráðharrin, Mette Frederiksen, út at ferðast, og sambært tíðindastovuni NTB fer hon bæði til Berlin, París og Brüssel.
Á ferðini skal hon hitta tríggjar evropeiskar leiðarar, og dagsskráin á fundunum við leiðararnar verður evropeiskt samanhald.
Forsætisráðharraskrivstovan hjá Mette Frederiksen veit at siga, at hon á ferðini fer at hitta Olaf Scholz, Emmanuel Macron og Mark Rutte.
Olaf Scholz er týskur kanslari, Emmanuel Macron er franskur forseti, og Mark Rutte er Nato-aðalskrivari.
Á myndini omanfyri hittir Mette Frederiksen Nato-aðalskrivaran, niðurlendingin, Mark Rutte, sum loysti norðmannin, Jens Stoltenberg, av.
