EM-endaspælið í hondbólti hjá kvinnum í Ungarn, Eysturríki og í Sveis er byrjað.
Í dag eru seks dystir leiktir í bólkunum A, C og E.
Noreg og Svøríki løgdu frá landi við sigrum.
Her eru dagsins úrslit:
Bólkur A (Debrechen, Ungarn):
Ungarn-Turkaland 30-24 (13-8)
Svøríki-Norðurmakedonia 28-18 (15-7) - Natalia Hagman var toppskjútti hjá Svøríki við níggju málum.
Bólkur C (Basel, Sveis):
Spania-Portugal 30-24 (12-12)
Frakland-Póland 35-22 (18-10) - Pauline Coatanea var toppskjútti hjá Fraklandi við fimm málum.
Bólkur E (Innsbrück, Eysturríki):
Eysturríki-Slovakia 37-24 (17-11)
Noreg-Slovenia 33-26 (16-11) - Henny Reistad var toppskjútti hjá Noregi við níggju málum.
Í morgin klokkan 17 spæla Føroyar søguliga fyrsta dystin nakrantíð í einum EM-endaspæli. Dysturin verður í Sankt Jakobshøllini í Basel móti vertslandinum, Sveis.
Klokkan 19.30 spæla hini bæði liðini í bólkinum, Danmark og Kroatia dyst í somu høll.
