Liðini hjá havnarmanninum og hoyvíkinginum í Norður-Týsklandi royndu seg á útivølli í EHF European League í kvøld.
Jóhan á Plógv Hansen og liðfelagarnir í Flensburg-Handewitt vunnu á útivølli í millumbólki 4 36-31 á Gummersbach, ið eisini spælir í bundesliguni. Tað var annars Gummersbach, ið var á odda 19-18 í steðginum,.
Jóhan skoraði fýra mál upp á fýra málroyndir.
Flensburg er fremst í bólkinum við seks stigum fyri tríggjar dystir.
Elias Ellefsen á Skipagøtu og liðfelagarnir í THW Kiel leiktu javnt 26-26 móti oddaliðnum i bundesliguni, Melsungen í millumbólki 3. Kiel var á odda 26-24, men eydnaðist ikki at knógva sigurin heim.
Elias skoraði fýra mál upp á átta málroyndir.
Melsungen og Kiel eru fremst í bólkinum við fimm stigum hvør.
Komandi hósdag klokkan 17.45 hevur Flensburg heimadyst móti Toulouse. Sama kvøld klokkan 19.45 hevur Kiel heimadyst móti Porto.
