Afturvendandi skaðar á undirsjóvarkaðlar í Eystursjónum hava ferð eftir ferð elvt til illgruna um herverk, men sambært ST eru fiskiskip orsøkin til flestu kaðalbrotini.
Kaðalbrotini í Eystursjónum hava fingið stórt uppmerksemi, og illgrunin hevur oftast verið vendur móti Russlandi fyri at hava staðið aftanfyri hesi brot.
Í hesum sambandi hevur nógv verið frammi um "hybrid krígsførslu", sum tað verður rópt.
Men, kaðalbrotini í Eystursjónum eru als ikki tey einastu í heiminum.
Sambært International Cable Protection Committee (ICPC) eru tað í miðal 150–200 streymslit - ella "driftsstans" - um árið kring heimin ella tríggjar slíkar hendingar um vikuna.
Sambært Tomas Lamanauskas, sum er varaleiðari í ST-felagsskapinum, International Telecommunications Union (ITU), eru fiskiskip og ankar orsøkin til 80 prosent av skaðunum.
- Aðrar orsøkir kunnu vera skaðar av náttúruávum og vanligt slit, veit tíðindastovan NTB at siga í dag.
