Hetta verður hátíðarhildið í allan dag.
- Í morgun hevur góður morgunmatur verið fyri starvsfólkum og børnum á stovninum, hoppiborg stendur uppi, og millum klokkan 15 og 17 í dag verður kaffi, frukt og kaka at fáa.
Tað siga tey í Sunda kommunu í dag, og her verður lagt aftrat, at øll eru hjartaliga vælkomin.
Góð og støðug starvsfólk hava stóran týdning fyri vælvirkandi stovnar, og í sambandi við dagin vóru Lív Dam og Valborg Olsen eisini heiðraðar við blómutyssi og gávu.
- Lív hevur 20 ára starvsdag, og Valborg hevur 15 ára starvsdag.
Í Sunda kommunu fegnast tey um góðu dagstovnarnar - og ikki minst dugnaligu og støðugu starvsfólkini á stovnunum.
- Við hesum vilja vit ynskja dagstovninum við Stórheygg og starvsfólkunum hjartaliga tillukku, verður lagt aftrat.
