Jóannes Bjartalíð og liðfelagarnir í Fredrikstad spældu í dag venjingardyst móti gomlu kenningunum hjá KÍ, BK Häcken í Marbella í Spania.
Häcken vann dystin 1-0 við einum sigursmáli, ið var skotið í 57. minutti.
Talan er um fjórða venjingardystin hjá Fredrikstad í hesum árinum, og enn hevur Fredrikstad fyrsta sigurin til góðar.
Fredrikstad hevur higartil trý tap og ein javnleik í fýra venjingardystum.
Fredrikstad skal spæla seks venjingardystir aftrat undan kappingarbyrjanini í bestu norsku fótbóltsdeildini.
Komandi venjingardystur verður á útivølli móti Sandefjord leygardagin 15. februar.
Fyrsti kappingardysturin hjá Fredrikstad verður spældur 29. mars. Tá kemur Brann Bergen á vitjan.
