Hann varð føddur 12. juni í 1924 í Milton í statinum Massachusetts, og hann doyði 30. november í 2018 í Houston í Texas.
George Bush var amerikanskur forseti frá 1989 til 1993. Frammundan var hann varaforseti hjá Ronald Reagan, sum var amerikanskur forseti frá 1981 til 1989.
Í 1992 tapti republikanarin George Bush forsetavalið ímóti avbjóðaranum úr Demokratiska flokkinum, Bill Clinton.
George Bush er pápi fyrrverandi forsetan og navnan, George W. Bush, sum var amerikanskur forseti eftir embætisskeiðið hjá Bill Clinton frá 2001 til 2009.
Annar sonur hansara er Jeb Bush, fyrrverandi guvernørur í Florida.
Av øllum amerikoskum forsetum eru tað bara George Bush og John Adams, sum hava havt ein son í embætinum. John Adams var 2. amerikanski forsetin frá 1797 – 1801. Sonur hansara, John Quincy Adams, var 6. amerikanski forsetin frá 1825-1829.
