Higartil í ár eru seldir 168 elpersónbilar í Føroyum. Tað er ein afturgongd upp á 59 bilar í mun til sama tíðarskeið í fjør.
Í juni vóru 42 elpersónbilar skrásettir. Tað eru 34,4% av øllum nýggjum skrásetingum fyri mánaðin, og 18,3% fyri árið.
Síðan El-Bilar í Føroyum hevur gjørt upp hagtølini og skrivar, at higartil í ár eru 168 elpersónbilar lagdir afturat á vegunum. Í mun til sama tíðarskeið í fjør er hetta ein afturgongd á 59 bilar, tí tá vórðu seldir 227 elbilar.
– Størsta orsøkin til hetta, er rokið rundan um MVG-frítøku í januar, skriva El-Bilar í Føroyum. Tó vóru bert fimm skrásettir.
Apríl var eisini rættuliga ringur fyri skráseting av elbilum. Annars letur gongdin at vera á einari heilt góðari leið.
Hinir bólkarnir kláraðu seg soleiðis, í mun til samlaða talið undanfarna mánað.
Bensin: -70
Diesel: -31
Bensin PHEV: +7
Bensin HEV: +39
Diesel HEV: +3
Samanlagt hetta hálvárið eru bert 9 persónbilar við útstoyti lagdir afturat á vegnum.
Annars kann sigast at tríggir elvøruvognar vórðu skrásettir í juni.
Ein elmotorsúkkla er nú landinum.
Fimm elskutarar vóru skrásettir, samstundis sum at mongdin av vanligum skutarum minkaði við einum.
