Tað sigur Sami Abu Zuhri, talsmaður fyri Hamas, eftir at amerikanski forsetin, Donald Trump, hevur úttalað seg um málið.
- Hóttanir hava einki virði og fara bara at fløkja málið, sigur Zuhri.
Í nátt okkara tíð segði Trump, at allir ísraelskir gíslar skulu latast leysir í seinasta lagi leygardagin. Annars skuldi vápnahvíldin strikast.
Sambært vápnahvíldaravtaluni frá 19. januar skal Hamas lata 33 ísraelskar gíslar leysar í hópum fyrstu 42 dagarnar av vápnahvíldini. Ísrael skal lata 1.900 fangar leysar úr ísraelskum fongslum.
Eftir ætlan verður næsta umfar av leyslating leygardagin.
Ritzau/Reuters
