Hildigarð Eliasen - kend sum bæði ÍF-mamman og ÍF-omman - er ársins ítróttareldsál.
Tað var gamla Kyndils-kempan og landsliðsleikarin í hondbólti, Niels "Natte" Nattestad, ið handaði Hildigarð Eliasen heiðurin í Løkshøll í Runavík.
Hildigarð sum hevur tikið nógv tøk fyri ÍF er upprunaliga úr Lamba.
Hildigarð slapp at klippa snórin, tá nýggja ÍF-húsið var tikið í brúk, og nú hevur hon fingið enn ein uppibornan heiður.
Hini bæði sum vóru innstillaði til hendan heiðurin vóru Súsanna Maria Hansen úr B36 og Marlon Kjærbo úr SuSvim.
