Liðið hjá Gunnari Vatnhamar, Víkingur Reykjavík spældi í kvøld størsta dystin nakað íslendskt felagslið hjá monnum hevur spælt í einari evropeiskari kapping.
Á Bolt Arena leikvøllinum í Helsinki í Finnlandi spældi Víkingur fyrra Play Off dystin í Conference League móti grikska liðnum, Panathinaikos.
Tað eydnaðist Víkingi at vinna dystin 2-1, hóast Panathinaikos var stórur favorittur undan dystinum. Tað kundi enntá verið væl betri um Panathinaikos ikki hevði minkað um munin við einum brotssparki stutt undan dystarloki.
Íslendsku miðlarnir standa í bíðirøð fyri at hálova Víkingi fyri bragdið í søguliga dystinum, har Víkingur ikki slapp at spæla heima í Íslandi, og heldur ikki sum Plan B slapp at spæla á Tórsvølli. Tí máttu teir longu leiðini til Helsinki í Finnlandi fyri at spæla dystin.
Liðini hittast aftur í Grikkalandi komandi hóskvøld klokkan 20. Samlaði vinnarin vinnur seg í áttandapartsfinalurnar í Conference League.
Víkingur Reykjavík-Panathinaikos 2-1 (1-0) - Fyrri Play Off dysturin í Conference League.
1-0 Davíð Örn Atlason ('13 )
2-0 Matthías Vilhjálmsson ('58 )
2-1 Fitis Ioannidis ('90 , br.)
Gunnar Vatnhamar sum hevur verið darvaður av skaða mátti frá beinkinum síggja sínar liðfelagar fremja bragdið móti Panathinaikos.
##med2##
