Franski forsetin, Emmanuel Macron, fer til Washington í næstu viku.
Tað váttaði tjóðartrygdarráðgevin hjá Trump, Mike Waltz, í kvøld.
Forsætisráðharrin í Bretlandi, Keir Starmer, verður eisini við. Tað er ikki greitt, nær vitjanin verður.
Vitjanin hjá evropeisku leiðarunum kemur lag eftir at amerikanski forsetin, Trump, í sjálvdrátti hevur viðgjørt kríggið í Ukraina.
Uttan um sínar sameindu í Evropa og Nato, tosaði hann í telefon við russiska forsetan, Vladimir Putin, í síðstu viku. Her umrøddu teir kríggið í Ukraina.
Fundur hevur síðani verið í Saudiarabia, har russiski uttanríkisráðharrin hitti sín amerikanska starvsbróður.
Eingi evropeisk lond - heldur ikki Ukraina - vóru umboðað.
Hendingarnar seinastu vikuna hava fingið evropeiskar leiðarar at óttast fyri, at Trump fer at gera eina friðaravtalu við Russland, uttan at Ukraina og evropisk lond eru við í samráðingunum.
Hetta hevur amerikanski uttanríkisráðharrin, Marco Rubio, tó víst aftur.
- Eingin verður settur til síðis, segði hann eftir fundin í Saudiarabia.
Trygdarráðgevin Mike Waltz avsannar eisini, at Evropa ikki verður við í málinum.
- Vit tosa við allar partar, segði hann í dag.
Næstan trý ára langa stríðið í Ukraina verður helst ovalaga á skránni, meðan Macron og Starmer vitja í amerikanska høvuðsstaðnum.
Donald Trump hevur sagt, at hann vil hava eina friðaravtalu í lag skjótt.
Kríggið hevur kostað ov nógv mannalív - og alt ov nógvar amerikanskar skattakrónur, heldur hann.
Trump hevur nýliga sagt, at ukrainski forsetin, Zelensky, skal "gera skjótt av", um hann ikki vil missa land sítt.
Ritzau/Reuters
