Síðani august í fjør hevur Mattias H. Lamhauge ikki ofta vart málið hjá FC Fredericia.
Í dag var Mattias tó at síggja millum stengurnar, tá Fredericia spældi venjingardyst móti Roskilde. Roskilde vann dystin 2-1.
Komandi leygardag spælir Fredericia seinasta venjingardystin. Hann verður á heimavølli móti liðnum hjá Martini Agnarssyni. Aarhus Fremad.
Fredericia spælir fyrsta kappingardystin í næstbestu donsku fótbóltsdeildini sunnudagin 23. februar. Tá kemur HB Køge á vitjan.
Í vár verður Mattias aftur í harðari kapping við Valdemar Birksø at sleppa at verja málið hjá Fredericia.
