Ein skandala hjá FIFA. Tað er tað ikki so fáir fótbóltsfjepparar kring heimin, ið halda, at eitt landslið hevur havt ein alt ov lættan veg til HM-endaspælið.
Ný Sæland vann seg til HM-endapælið í Meksiko, Kanada og USA í nátt føroyska tíð, uttan at sveitta.
Teir vera umboðið hjá Kyrrahavsøkinum til HM-endaspælið. Fyrr mátti Ný Sæland spæla Play Off dystir móti einum liði frá einum sterkari heimsparti fyri at vinna seg til HM-endaspælið. Men nú 48 lið sleppa til HM-endaspælið er Kyrrahavsøkið tryggjað at fáa eitt HM-endaspælspláss.
Teir leiktu bert fimm dystir í HM-undankappingini, allir ímóti mótstøðuliðum á støði við lægst styrkismettu liðini í Evropa.
Úrslitini hjá Ný Sælandi vóru við fólkatalinum hjá mótstøðuliðunum í klombrum.
Tahiti 3-0 (fólkatal: 278.000)
Vanuatu 8-1 (335.000)
Samoa 8-0 (205.000)
Fiji 7-0 (926.000)
Nýkaledonia 3-0 (271.000)
Hetta er triðu ferð í søguni, at Ný Sæland vinnur seg til HM-endaspælið. Fyrstu ferð var í 1982, og aðru ferð var í 2010.
