Tað er Grønt og Grátt, sum hevur staðið fyri arbeiðnum í Hósvík, og arbeiðið hevur gingið væl.
- Hóast keðiligt veður í vetur, so er trivnaðarøkið komið væl áleiðis, siga tey í Sunda kommunu í dag.
Enn manglar undirlag undir karussellini og klatritorninum, og lendið skal sáast í apríl.
- Vit skilja væl, at tað er torført at bíða við at brúka økið til ta tíð.
Í Sunda kommunu heita tey tí á børn og foreldur um at vísa serligt varsemi, til hesi viðurskifti eru komin í rættlag.
- Vit gleða okkum til várs, tá økið fer at taka seg enn betur út, og vit takka Grønt og Grátt fyri gott samstarv í hesari verkætlan.
##med2##
##med3##
