Victor Orbán, sum er forsætisráðharri í Ungarn, sigur, at hann fer at seta seg upp ímóti handtøkuboðunum av ísraelska forsætisráðharranum, Benjamin Netanyahu.
Tað er altjóða revsidómstólurin í Haag, sum hevur sent út handtøkuboð av ísraelska forsætisráðharranum og fyrrverandi verjuleiðaranum í Ísrael, Yoav Gallant.
Nú hevur Victor Orbán bjóðað Benjamin Netanyahu til Ungarn á vitjan, veit tíðindastovan, AFP at siga í morgun.
Ungarn hevur skrivað undir Rom-avtaluna og hevur - eins og onnur lond, sum hava undirskrivað avtaluna - bundið seg til at fylgja avgerðunum hjá revsidómstólinum í Haag.
Tað var hósdagin í hesi vikuni, at revsidómstólurin sendi út handtøkuboðini.
##med2##
