Farna vikuskiftið luttóku 5 føroysk toymi í stórari CrossFit-kapping í Livingston í Skotlandi har umleið 70+ lið vóru tilmeldaði. Øll liðini skuldu kappast í 4 ymsum kappingum og fingu føroysku liðini avbera flott úrslit!
CrossFit
CrossFit er ein heldur nýggj ítrottargrein, ið samantvinnur nógvar ítrottargreinar so sum vektlyfting, úthaldni og fimleik, og leggur dent á funktionellar rørslur. Bæði í venjingum og kappingum verða allir íðkarar avbjóðaðir í styrki, úthaldni og skjótleika. CrossFit er harafturat kent fyri at skapa sterkan felagsskap fyri íðkarar sínar.
Úrslit
Kappingin varð deild upp í trý ymisk torleikastig: RX, RX’ish og Scaled. Føroysku toymini vóru í besta og næst-besta torleikastignum, og stóðu seg sera væl!
Úrslitini eru niðanfyri:
RX Kvinnur
Jenny Persson & Kristina Thede: 4. pláss
RX Menn
Bartal Kamban & Eyðun Højgaard: 6. pláss
Rói Agnarsson & Niels Áki Mørk: 7. pláss
RX’ish Kvinnur
Jóhanna av Steinum & Tordis Tróndarson: 2. pláss
Barba Andreasen & Katrin Hovland: 5. pláss
##med2##
##med3##
##med4##
