Hendingin fór fram á parkeringsplássinum hjá Vága Floghavn.
Motorurin á bilinum var í gongd, tá bilførarin læt hurðina upp og skuldi fara út úr bilinum.
- Av óvart kom bilførarin tá at traðka á speedaran, og bilurin fór á rull við føraranum hálvum uttanfyri.
Vaktleiðarin visti í morgun at siga, at avleiðingin var, at bilførarin datt eftir høvdinum úr bilinum og langaði høvdið í asfaltið.
- Bilførarin var við vit eftir hendingina, men boð vórðu send eftir sjúkrabili, sum flutti bilføraran á Landssjúkrahúsið til kanningar.
Løgreglan sigur, at bilurin, sum fór á rull, rendi á ein annan bil, og báðir bilarnir fingu nakað av skaða.
