Uttanríkispolitiski ráðgevin hjá Kreml, Yury Ushakov, veit í dag at siga, at serligi sendimaðurin hjá Donald Trump, forseta, aftur fer at vitja í Moskva hesa vikuna.
Serligi miðeysturssendimaðurin, sum Steve Witkoff eisini verður róptur, skal vitja í Moskva í vikuni, og tað er Reuters, sum endurgevur statsriknu russisku tíðindastovuna, Interfax.
Steve Witkoff hevur áður havt tríggjar langar fundir við russiska forsetan, Vladimir Putin, um møguleikarnar at fáa ein enda á krígnum í Ukraina.
Lítið er komið fram higartil um fundirnar, sum hava verið millum Steve Witkoff og Vladimir Putin, og báðir partar hava hildið kortini tætt inn at kroppinum.
