Sambært houthi-stýrda heilsuverkinum í Jemen er talið av deyðum eftir amerikanska álopið nú komið upp á 53.
Hetta veit tíðindastovan, Reuters, at siga, og lagt verður aftrat, at talið av særdum er 98.
Tølini eru ikki váttað av óheftum keldum.
Tað var í gjár, at USA framdi loftálop á houthi-mál í Jemen, sum eitt aftursvar til houthi-álop á altjóða skipaferðsluna í Reyðahavinum.
USA sigur, at amerikansk F-16 og F-18 stríðsflogfør í dag hava skotið 11 dronur niður, sum houthi'arar sendu avstað.
Sagt verður, at dronurnar vóru ikki í nær námindis flogberanum, Harry S. Truman.
Sambært útlendskum miðlum hevði amerikanski flogberin ein týðandi leiklut í amerikansku álopunum á Jemen leygardagin.
Lesið eisini -
Iran hóttir - https://www.in.fo/news-detail/iran-hottir-vid-alopum-eftir-trump-avaring
##med2##
