Amerikanski verjumálaráðharrin, Pete Hegseth, sigur, at USA fer ikki at senda herfólk til Ukraina.
Verjumálaráðharrin heldur tað ikki vera sannlíkt, at Ukraina fer at taka Krim-hálvoynna aftur frá russum.
Tað var longu í 2014, at Russland tók Krim, sum er á stødd við Jútland - ella umleið tveir triðingar av Danmark.
Pete Hegseth heldur, at tað fer bara til at føra til enn størri líðing, um roynt verður at taka Krim-hálvoynna aftur.
Um kríggið í Ukraina annars, sigur amerikanski verjumálaráðharrin, at tað má fáa ein enda.
Verjumálaráðharrin leggur aftrat, at amerikanski forsetin eisini vil hava kríggið liðugt so skjótt sum gjørligt.
Hetta veit norska kringvarpið - NRK - at siga í dag.
Pete Hegseth hevur eisini sagt, at ukrainskur limaskapur í verjusamgonguni Nato er ikki realistiskur.
- USA heldur ikki, at Nato-limaskapur er ein realistisk avleiðing av krígnum, segði verjumálaráðharrin á Nato-høvuðsstøðini í Brüssel í dag.
