- USA verður verandi i Nato og kemur at vera limur í Nato í eina langa tíð frameftir, sigur amerikanski verjumálaráðharrin, Pete Hegseth, og hetta segði hann á Nato-høvuðsstøðini í Brüssel í morgun.
Her vissaði hann um, at USA verður verandi í verjusamgonguni.
Amerikanski forsetin, Donald Trump, hevur áður borið upp á mál, at USA kanska fer at taka seg úr Nato, og hetta hevur ført til órógv millum Nato-lond.
- At standa ímóti russisku krígsmaskinuni er ein evropeisk ábyrgd, segði verjumálaráðharrin sambært tíðindastovuni, Reuters.
Pete Hegseth endurtók áheitanina um, at Nato-lond skulu veksa um sínar verjuútreiðslurnar, og hann heldur, at málið eigur at vera, at londini brúka fimm prosent av sínari bruttotjóðarúrtøku til verjuútreiðslur.
