Gunnar Vatnhamar spældi allan dystin, tá hann og liðfelagarnir í Víkingi Reykjavík hóskvøldið á útivølli í Albania vunnu 2-0 á albansku meistarunum, Egnatia.
Víkingur hevði ikki besta útgangsstøðið við sær til Albania, tí Egnatia vann fyrra dystin 1-0.
Tá 28 minuttir vóru farnir av dystinum legði Víkingur seg á odda við einum sjálvmáli. Tá bert tríggir minuttir vóru farnir av seinna hálvleiki økti Aron Elís Þrándarson til 2-0.
Víkingur og vann sostatt ein samlaðan 2-1 sigur á Egnatia, og er víðari til triðja undanumfarið.
Møguleikarnir hjá Víkingi í triðja undanumfarinum í Conference League eru ikki sørir, tí Gunnar og liðfelagarnir møta estisku meistarunum, Flora Talinn.
HER ber til at síggja bæði málini hjá Víkingi Reykjavík í dystinum móti Egnatia:
##med2##
