Ukrainski forsetin, Valodymyr Zelenskij avsannar, at bert ein heilt lítil partur av íbúgvunum í landinum stuðlar honum.
Hetta hendir eftir at amerikanski forsetin, Donald Trump, segði, at bert fýra prosent av ukrainarum stuðla Zelensky.
Tað skrivar Reuters.
- Tá vit tosa um 4 prosent, hava vit sæð misinformatiónina, vit halda, at hon kemur úr Russlandi, sigur Zelenskyj.
Týsdagin segði Trump eisini, at tað er langt síðani, at ukrainarar hava verið á vali.
- Tey vilja hava sess við borðið, men tú kundi sagt, vil fólkið í Ukraina ikki hava orðið? Tað er langt síðani, at tey hava verið á vali.
- Tað hevur einki við Russland at gera, tað er nakað, sum kemur frá mær, úr øðrum londum, segði Trump við tíðindafólk, sambært AFP.
Men forsetin livir í einum "rúmi við skeivum upplýsingum", sigur Zelensky.
- Tíverri livir Trump forseti, sum vit hava stóra virðing fyri sum leiðari fyri amerikanska fólkið, í hesum rúminum við misinformatión, sigur hann sambært tíðindastovuni.
/Ritzau/
