Áhugafeløg fyri pensjónistar hava seinnu árini áhaldandi gjørt vart við, at pensjónistar eru ónøgdir við, at landið hevur ein fráfaringaraldur og at fráfaringaraldurin eigur at verða tikin av.
Fráfaringaraldurin er fyri nógvum árum síðani tikin av í evropeiskum londum. Og hevur Danmark ikki havt nakran fráfaringaraldur síðan 1. januar 2016, tá fráfaringaraldurin við lóg varð tikin av.
Aldur er ikki sakligt og heldur ikki lógligt atlit fyri uppsøgn. Tey eldru eiga ikki framhaldandi at vera fyri diskriminatión/mismuni á almenna arbeiðsmarknaðinum og eigur fráfaringar-aldurin tískil beinanvegin at verða tikin av.
Ahugabólkur Pensjónista vónar og væntar, at øll fakfeløg á almenna arbeiðsmarknað-inum taka undir við uppskotinum hjá Fíggjarmálaráðnum um at taka av fráfaringaraldurin hjá tí almenna.
Tórshavn, hin 4. juni 2025
Áhugabólkur Pensjónista
Jóhan Carl Dam
Ingrid S. Henriksen
Bozena Rasmussen
Maria Jacobsen
Eyðun Ellendersen
Heidi E. Hammer
Nina Dahl
