Tað upplýsir forkvinnan í ES-nevndini, Ursula von der Leyen, undan fundinum fríggjadagin í European Political Community EPC í albanska høvuðsstaðnum, Tirana.
Harumframt fer nevndin at leggja nøkur skip afturat listanum yvir skip, sum eru partur av sokallaða russiska skuggaflotanum.
Von der Leyen vil eisini seta fleiri revsitiltøk í verk móti fíggjargeiranum í Russlandi.
Sambært forsetanum í ES-nevndini er tíðin komin til at seta nýggj revsitiltøk í verk móti Russlandi, tí russiski forsetin, Vladimir Putin, tekur ikki friðarsamráðingarnar við Ukraina í álvara.
/Ritzau/
