Jóannes Bjartalíð og liðfelagarnir í Fredrikstad skulu sum norskir steypavinnarar kappast í Europa League undankappingini.
Fredrikstad tørnar fyrst til í Europa League í triðja undanumfarinum, og har bíðar ein spennandi uppgáva.
Jóannes og liðfelagarnir møta antin danska FC Midtjylland ella skotska Hibernian, ið møtast í øðrum undanumfarinum.
Í triðja undanumfarinum verður lagt fyri við heimadysti í Fredrikstad, og so verður leikt á útivølli í Herning ella í Edinburgh.
Dystirnir í triðja undanumfarinum vera leiktir 7. og 14. august.
