Tíðindastovan NTB veit í morgun at siga, at kríggið í Ukraina hevur ført til, at Týskland hevði metstóran vápnaútflutning í 2024.
- Týskland góðkendi útflutning av vápnum og hernaðarútgerð í fjør fyri 13,33 milliardir evrur, og tað er met í eitt ár.
Tað upplýsa myndugleikarnir í Týsklandi.
Av hesum góðkendi týska stjórnin, at selja vápn og útgerð fyri 8,15 milliardir evrur til Ukraina í 2024.
Aftrat hesum seldi Týskland eisini vápn til ávikavist Singapore, Algeria, USA og Turkaland.
- Singapore keypti fyri 1,21 milliardir evrur, Algeria fyri 558,7 milliónir, USA fyri 319,9 milliónir og Turkaland fyri 230,8 milliónir evrur.
