Selja alsamt færri nýggjar bilar

Ársins fyrstu 10 mánaðir eru seld 1949 nýggj akfør í Føroyum í mun til 2455 sama tíðarskeið í fjør. Tað er ein afturgongd upp á 506 akfør ella 20,6 prosent.

 

Størstu tølini í hagtølunum um bilar eru altíð persónbilarnir. Higartil í ár eru seldir 1412 nýggir persónbilar í mun til 1716 sama tíðarskeið í fjør. Tað er ein afturgongd upp á 304 bilar ella 17,7 prosentstig.

Næststørstu sølutølini eru við vøruvognum. Seldir eru higartil í ár 269 nýggir vøruvognar í mun til 341 sama tíðarskeið í fjør. Tað er ein afturgongd upp á 72 bilar sum er 21 prosent.

##med2##