Landssjúkrahúsið skrivar, at hetta var í sambandi við, at Niels Jørgensen, serlækni og serfrøðingur í endokrinologi og andrologi á Ríkissjúkrahúsinum, hevur verið á Landssjúkrahúsinum, í Steno-ambuluatoriinum, sum partur av betranarátaki á Steno Miðstøðini.
Tað er umráðandi at finna røttu viðgerðina til tann einstaka. Somuleiðis er umráðandi at fáa staðfest, hvør hevur tørv á testosteronviðgerð og hvør ikki hevur.
Undirvísing og førleikamenning er ein týðandi partur av átakinum. Umframt at uppstiga vitanina hjá kliniska toyminum á Steno Miðstøðini, fekk Niels Jørgensen høvi at undirvísa heilsustarvsfólki í primera heilsugeiranum og í Sjúkrahúsverkinum í androgenviðgerð og Klinefelter syndrom. Les meira um Klinefelter syndrom: https://lnkd.in/dyEfyzGb
Skulu mannfólk so grunda um skiftisárini?
Greiða svarið frá Niels Jørgensen, serlækna, er - nei, tað skulu teir ikki. Tí mannfólk koma ikki í skiftisár, eins og kvinnur.
Steno Miðstøðin hevur, í samstarvi við deildina fyri Vækst og Reproduktion á Ríkissjúkrahúsinum, tikið stig til 3-ára betranarátakið, ið skal víðarimenna viðgerðartilboðið í føroyska sjúkrahúsverkinum til menn við testosterontroti.
Endamálið er at styrkja útgreiningina og viðgerðarmøguleikarnar í Føroyum og harvið styrkja heilsufatanina hjá monnum, ið fáa staðfest testosterontrot.
##med2##
