Seinnapartin í dag var Súnhild Langgaard, sum er borgari nummar 1600 í Nes kommunu, boðin á kommunuskrivstovuna, har Súni í Hjøllum, borgarstjóri, handaði henni eina minnisgávu og blómur.
Minnisgávan er tveir stakar, sum Joel Cole, listamaður, búsitandi í Saltnesi, hevur evnað.
Súnhild Langgaard er ættað av Strondum, men flutti fyri stuttum í Nes kommunu, nú hon varð gift við Beinir Langgaard á Nesi.
Seinastu árini er fólkatalið í Nes kommunu økt munandi, og herfyri fór fólkatalið upp um 1600.
- Frá januar 2020 til juli 2025 er fólkatalið økt úr 1338 upp í 1610 - ella við 272 fólkum, sum er 20,3 prosent, siga tey í Nes kommunu í dag.
##med2##
