Danmark fekk góða mótstøðu frá Kekkia í Boxen í Herning, men við stórum avrikum hjá Emil Nielsen í málinum, ið bjargaði 52 prosent av málroyndunum, og framúr avriki hjá Mathias Gidsel, ið skoraði 10 mál bar tað heim hjá Danmark.
Í fyrra hálvleiki var tað tungt hoyggj hjá Danmark at skora móti Tomáš Mrkva í kekkiska málinum. Kekkiska verjan stóð eisini framúr væl. Danmark var á odda 12-10 í steðginum. Tað loysnaði tó munandi í seinna hálvleiki, og tað endaði við einum rættiliga greiðum 28-22 sigri til Danmark.
Jóhan á Plógv Hansen skoraði eitt gott mál, men brendi tíverri eitt brotskast.
Danmark hevur við 10 stigum vunnið HM-millumbólk 1 við fullum stigatali.
HER ber til frá týsku rásini ARD at síggja ein samandrátt frá dystinum.
Kekkia-Danmark 22-28 (10-12)
Toppskjúttar Kekkia: Daniel Blaha 5, Lukas Morkovsky 3, Dominik Solak 3, Martin Rakousky 3, Matej Havran 3.
Toppskjúttar Danmark: Mathias Gidsel 10, Simon Pytlick 6, Emil Jakobsen 4, Jóhan á Plógv Hansen 1.
