Ein fipurkaðal millum Lettland og Svøríki hevur fingið skaða, helst orsakað av "ávirkan uttanífrá".
Tað boðaði kaðalfelagið frá í dag, sambært almenna lettiska miðlinum LSM.
Kaðalin fekk varð skaddur í morgun.
Lettiska sjóverjan hevur sent eina patrulju at kanna eitt skip, sum kann hava elvt til skaðan, veit LSM at siga frá. Samskipan er framd við vesturlendska verjusamgonguna NATO, stendur framvegis.
Lettiski forsætisráðharrin, Evika Silina, hevur kallað stjórnina til eykafund. Væntandi verður tíðindafundur seinnapartin.
Kaðalin gongur millum lettiska býin Ventspils og svensku oynna Gotland. Tað sigur lettiska ríkisútvarps- og sjónvarpsmiðstøðin (LVRTC), sum rekur kunningarinfrakervið í Lettlandi.
Tað er ikki greitt beinanvegin, hvat orsøkin var til skaðan og hvat meint verður við ávirkan uttanífrá.
- LVRTC hevur tikið stig til revsirættarligar tiltøk, skrivar LVRTC í tíðindaskrivi.
- Av tí at kaðalin liggur á yvir 50 metra dýpi, kann neyvi skaðin ikki staðfestast fyrr enn kaðalumvælingin byrjar.
- LVRTC hevur kunnað avvarðandi myndugleikar um hendingina.
Í tíðindaskrivinum stendur víðari, at fjarskiftisveitarar í Lettlandi, sum brúktu kaðalin, í dag umløgdu virksemið til at brúka aðrar leiðir til dátuflutning.
Nógv uppmerksemi er í løtuni á sjókaðalum í Eystrasalti eftir fleiri hendingar við skaddum kaðalum.
Í Finnlandi er millum annað illgruni um, at tangaskipið "Eagle S" hevur gjørt skaða á fleiri kaðlar í Eystrasalti. Í desember fór finska løgreglan umborð á skipið og fekk manningina at sigla tað í finskan sjógv.
Nato hevur boðað frá øktum eftirliti við Eystrasalti.
Ritzau/Reuters
