Borgarstjórin í ukrainska býnum, Sumy, sigur, at í minsta lagi 28 fólk eru særd í einum russiskum rakettálopi í dag.
- Tað var ein russisk rakett, sum rakti býin fyrr í dag, veit ukrainska ávísin, Kyiv Independent, at siga.
Borgarstjórin sigur, at rakettin rakti eitt íbúðarøki og undirstøðukervið í økinum, og fleiri fólk fingu løstir.
Um dagarnar samráðast Ukraina og USA í Saudi Arabia um, hvussu ein møgulig vápnahvíld kann skrúvast saman.
Ukrainski forsetin, Volodymyr Zelenskyj, væntar, at tað verður neyðugt at trýsta russar til at steðga krígnum.
Dagføring:
Vit kunnu leggja aftrat, at sum dagurin í gjár leið, nærkaðist talið av løstaðum eftir russiska álopið teimum 100.
Her sæst, hvar Sumy-regiónin í Ukraina liggur - uppat markinum til Russlands
